ብምርምርን ንፁር ስትራቴጂን ዝመረሐ ህዝባዊ መራሒ - ዝኽሪ መበል 13 ዓመት ተጋዳላይ መለስ ዜናዊ

ዝኽሪ መበል 13 ዓመት መስዋእቲ ተጋዳላይ መለስ ዜናዊ

ሜጀር ጀነራል ክንፈ ዳኛው ነዙይ ዝበለ መበል 13 ዓመት መስዋእቲ ብሉፅ መራሒ ተጋዳላይ መለስ ዜናዊ "ዝኽሪ መለስ ንስላምን ሓድነትን" ብዝብል መራሒ ሓሳብ ኣብ ዝተሳለጠ መድረኽ ዝኽሪ እዩ።

መለስ ምስ ልምዓት ኣተሓሒዙ መበገሲ ፅሑፍ ዘቕረበ ሜጀር ጀነራል ክንፈ ዳኛው መለስ ሰመዓይ፣ ተመያያጣይ እዩ ፣ ሓላፊኻ ምዃኑ ክሳብ ትርስዕ ኢኻ ትኸውን ክብል ገሊፅዎ።

ምስ መለስ ምስራሕ ዶብ የብሉን ዝበለ ሜጀር ጀነራል ክንፈ ዳኘው ኣብ ልምዓት ዝነበሮ ኣበርክቶ ከም ተመራማራይ፣ ኣንፋቲ (ስትራቲጂስት)፣ ብቐጥታ ኣብ ባይታ ዝካየዱ ስራሕቲታት ብቐረባ ዝከታተተል እዩ ኢሉ።

ኣብ ስራሕቲ ልምዓት ተመራማራይ ፣ መንበባይ እዩ ነይሩ ዝበለ ሜጀር ጀነራል ክንፈ መለስ ክርዳእ ዝሰምዕ ምዃኑን ዘንበቦን ዝሰምዖን ኣዋሂዱ ዝሰርሕ መራሒን እዩ ኢሉ።

መለስ ቃንዛ ህዝቢ ዝርዳእ መራሒ እዩ ዝበለ ሜጀር ጀነራል ክንፈ ፀገማት ብምልላይ፣ ኩላሻዕ ፀገማት እናተንተነ መፍትሕታት ዘቐምጥ ምዃኑ ብምግላፅ ካብዚ ብልጫ መለስ ክንመሃረሉ ይግባእ ኢሉ።

ተጋዳላይ መለስ ዜናዊ ከጓንፉ ዝኽእሉ ፀገማት ኣማቲ ምዃኑ ብምግላፅ ካብ ምርምር ቐፂሉ ኣብ ስትራቴጂ እዩ ዘተኩር ኢሉ።

ከም ተመራማራይን ስትራቴጂስትን ነብሲ ወከፍ ስራሕ ብዓብይ ትኹረት እዩ ዝከታተል፣ ብዝዓበየ ኣብ ዕንቅፋታት ብምትኳር ነቶም ዕንቅፋታት ድማ ብምርምር መፍትሒ ዘቐምጥ ነይሩ ኢሉ።

መለስ ነዚ ብልጫ ክሕዝ ዝገበሮ ህዝባዊነቱ፣ ተጋዳላይነቱ፣ መእንተ ህዝቢ ኩሉ ዋጋ ክኽፍል ድልው ስለዝኾነን እዩ ምስ በለ ከም መለስ ንምዃን ተጋዳላይ ምዃንን ህዝቢ ሒዝካ ኩሉ ከምዝስራሕ ምእማንን የድሊ ኢሉ።

ሕዚ ኣቲናዮ ዘለና ፀገም ንምፍታሕ ከም መለስ ህዝባዊ ን ፃዕራምን ምዃን የድሊ ኢሉ።